Кугу эҥерлаште вӱд ешаралтын

Кугу эҥерлаште вӱд ешаралтын
Россий пӱртӱс поянлык министерствын увертарымыж почеш тений кенежым Кӱшыл Юл да Чолман эҥерыште вӱд нормо деч шагал лийын. Но июль да август тӱналтышыште лийше йӱр- влак вӱдым нормо марте нӧлталыныт. Юлысо Куйбышев вӱдаралтышыштат тудо палемдыме кӱкшытыш шуын. Кокшайск селаште илыше- влакат Юл эҥерыште вӱд ешаралтмым палемдат. Тыгак Кугу Какшаныштат, кеҥеж тӱҥалтыш дене таҥастарымаште, вӱд шукемын. Молгунам августышто, мӧҥгешла, вӱд шагалемеш ыле. Но тений тудо эше икмыняр ешаралтшаш манын палемдат.

Прошлые выпуски