Кугу Ачамланде сарыште вуйым пыштыше- влакым шарныме лӱмеш Республикыштына 800 тӱжем утла пушеҥгым шындыме
Кугу Ачамланде сарыште вуйым пыштыше- влакым шарныме лӱмеш Республикыштына 800 тӱжем утла пушеҥгым шындыме. Арня мучашыште «Шарнымаш сад» тӱнямбал акций да «Сеҥымашын чодыраже» проект кышкарыште пӱнчӧ озымым Куяр тунемме да опыт участке кумдыкышто вераҥдыме. Экологий да патриот акцийлаште Марий Элым вуйлатыше да Правительствын енже- влак участвоватленыт. Юрий Зайцев ушештарен: регионалаште шарнымаш мероприятий Президент Владимир Путинын тӱҥалтышыже почеш ышталтеш. Элна мучко сар жапыште вуйым пыштыше 27 миллион еҥым шарныме лӱмеш 27 миллион пушеҥгым шындыман. «Шарнымаш сад» акцийым шыҥдарыме жапыште шым тӱжем утла еҥ ушнен да 800 тӱжем озымым кӱлеш верышке шындыме. Вуйлатыше тидымат ешарен: акций шке партиот кӱлешлыкше деч посна, тул деч эҥгекыш логалше чодырам уэш кушташ кӱлешлык денат шергакан. Республикыштына «Шарнымаш сад» акций нылымше гана эрта. Тений 352 тӱжем тыгыде пӱнчым, тушечын 182 тӱжемжым Йошкар-Ола воктене шындаш палемдыме. Тиде кечынак «Сеҥымашын чодыраже» акцийым эртарыме. Тушко «Единый Российын, ОНФ Молодёжкын, УФСИН-ын еҥышт, Торгово-технологий колледжын, МарГУ-н, Юлтехын студентышт, «Ыште!» эколгий организацийын, волонтёр, республикысе калык ушненыт. Чылаже 100 утла еҥ лектын. Нуно 9 утла гектареш 31 тӱжем тыгыде пӱнчым шынденыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
