Кум кугу инфраструктуро проектым шыҥдараш палемдыме
Республикыштына кум кугу инфраструктуро проектым шыҥдараш палемдалтеш. Республикым вуйлатыше Александр Евстифеев Россий Правительство Председательын алмаштышыже Марат Хуснуллинын эртарыме Правительство комиссийын заседанийыштыже участвоватлен. Тушто 2022-шо, 2023-шо да 2024-ше ий- влаклан субъект- влаклан трансфертым ойырымо шотышто федерал бюджетын параметрже нерген ойлымо. Марат Хуснуллин палемден: Российын Президентше ден Правительствыже регион- влаклан окса полышым пуэн, социал- экономически вияҥдыме икмыняр мерым пеҥгыдемденыт. Кодшо ийын налме кредитым петыраш 218 миллиард теҥге ойыралтеш. Тудын ужашыжым у инвестиций проект- влакым шыҥдараш кучылташ лиеш. Тиде пашалан 337 миллиард теҥге наре полыш лийын кертеш. Марий Элын Правительствыже Россий минстройыш ик миллиардат 300 миллион теҥгеаш кум инфраструктура объектлан оксам ойыраш йодмашым колтен. Ик проектше- Медведево посёлкышто Сеҥымашлан 75 ий темме лӱмеш бульварым чоҥымаш. Весыже- Медведево ден Йошкар-Ола кокласе Черняков уремым уэш ыштымаш. Тиддеч посна Йошкар-Оласе терминалым чоҥаш палемдыме.
