Кундемыштына эпидемиологий суретлан кӧра ешартыш чарымаш- влакым пуртымо
Кундемыштына эпидемиологий суретлан кӧра Республикым вуйлатыше ешартыш чарымаш- влакым пуртен. Могай вашталтыш- влак лийыныт? Утларак ямде улмо режимым 15-ше январь марте шуйымо. 65 ияш да кугурак ийготан- влак 15-ше январь марте самоизоляций режимым эскерышаш улыт. Мӧҥгӧ гыч кевытыш, аптекыш, эмлыме верыш да спорт дене кылым кучаш гына лекташ лиеш. Икымше гыч 4-ше клас марте тунемше- влаклан 16-шо ноябрь гыч 6-шо декабрь марте ешартыш каникул пуалтеш. 5-ше гыч 11-ше класс марте тунемше-влак, тыгак колледж ден техникумлаште тунемше-шамыч 6-шо декабрь марте дистанций формо дене тунемыт. Кафе, бар, клуб, дискотеке- влак 23 гыч 6 шагат эр марте пашам огыт ыште. Ужалкалыме рӱдерлаште йоча пӧлем да каныме рӱдер- влак петыралтыт. Ийготыш шудымо- влак ужалкалыме да каныме рӱдерлашке кугыеҥ деч посна миен огыт керт. ВУЗ- влаклан 6-шо февраль марте дистанций формо дене тунемаш темлыме, студент тӱшкагудылаште комендант шагат пурталтеш. Ситуаций куштылго огыл гынат бизнеслан чарак ок ышталт, но чыла кӱлеш мерым шуктен шогыман.
