Кундемыштына тул пижме ваштареш виктаралтше посна режимым пуртат
Кундемыштына 15-ше гыч 29-ше август марте тул пижме ваштареш виктаралтше посна режимым пуртат. Тидын шотышто пунчалым Марий Элым вуйлатышын пашажым шуктышо Юрий Зайцев 10-шо августышто пеҥгыдемден. Тиде жапыште чодыраш кошташ, транспорт дене мияш, тулым ылыжташ, тулото ден мангалыште кочкаш ямдылаш ок лий. Тиддеч посна чодыра воктенат иктаж мом йӱлалташ, тул пижме лӱдыкшым лукшо пашам ышташ ок лий.
