Курык марий районышто илыше ӱдырымаш Марий Элым вуйлатыше деч посна саламлымашым налын

Курык марий районышто илыше ӱдырымаш Марий Элым вуйлатыше деч посна саламлымашым налын
              Курык марий районышто илыше ӱдырымаш Марий Элым вуйлатыше деч посна саламлымашым налын. Тений 22-шо январьыште Выцписты ялыште илыше Ксения Ивановна Кузьмина 101-ше шочмо кечыжым палемден. Ксения Ивановна Иван ден Арина Ремесловмытын ешыштышт Чеботай ялыште шочын. Ныл ияш улмыжо годым ешышт Выцписты ялыш куснен. Ешыште вич йоча шочын, кокытшо изинекак илыш дене чеверласен. Ксениян лу ияш улмыжо годым ачаже колен. Тудо кугурак йоча улмаш. Сандене Яштуга школышто ныл классым гына тунем шуктен. Сар жапыште чодырам ямдылымаште, шурно клатыште кладовщицылан ыштен. Сар деч вара колхозышто шала пашаште тыршен. 1953-шо ийыште Пертюк ялыш Михаил Юрьевичлан марлан лектын, шке озанлыкым чумыреныт, ик эрге ден ик ӱдырым достойно ончен-куштеныт. Кызыт Ксения Ивановна эрге-шешкыже дене ила. Тудын куд уныкаже да куд кугезе уныкаже уло. Шочмо кечыже дене Ксения Ивановнам Курык марий районысо социал обслуживатлыше комплексный рӱдерын еҥже- влак саламленыт. Марий Элым вуйлатыше Юрий Зайцевын лӱман саламлымашыжым, шарнымашан пӧлекым, пеледыш аршашым кучыктеныт.
           Фото: Марий Эл Правительстве.

Прошлые выпуски