Куженер районышто Афганистан сарын геройжым шарныме лӱмеш ече дене эстафета эртен

Куженер районышто Афганистан сарын геройжым шарныме лӱмеш ече дене эстафета эртен
            Куженер районышто Афганистан сарын геройжым шарныме лӱмеш ече дене эстафета эртен. Таҥасымашым Кугу Тумньымучаш ялыште школын выпускникше Леонид Акпулатовым шарнымылан пӧлекленыт. Тудын ӱмыржо афган мландеш кӱрылтын да тиддеч вара тудлан «Йошкар Шӱдыр» орденым пуэныт. Спорт пайремыш ик классыште тунемшыже- влакым да ик жапыште тунемше моло выпускникым, класс вуйлатышыжым ӱжмӧ. Таҥасымашке 13 команде ушнен. Нунын коклаште йоча сад группын, икымше гыч 11-ше класс марте тунемше- влакын, туныктышо ден выпускник- влакын, ече дене спорт мастер- влак Галина Ильбахтина (Ядулина) ден Борис Шубинын командышт  лийыныт. Тыгак ончаш толшо- влак коклаште модмашым эртарыме. Чыла участниклан медаль ден дипломым кучыктымо А кажне класслан тамле тортым пуымо.- увертара Коҥганур школ.
          Фото: Коҥганур школ.

Прошлые выпуски