Марий Элым вуйлатыше паша визит дене Ульяновскыште лийын
Марий Элым вуйлатыше паша визит дене Ульяновскыште лийын. Эн ончыч тудо икмыняр промышленный предприятийыш миен. Тӱҥалтышлан тудо Ульяновскысо автомобиль завод дене палыме лийын. Предприятийын генеральный директоржо Алексей Спиринын мутшо почеш, завод талукышто 95 тӱжем машинам луктеш. Кызыт лу модельым ямдылат. Тидын шотыштак МВД-н, тазалыкаралтыш да оборона минстерствын кӱлешлыкыштлан. Марий Элын делегацийже тыгак «Металлоконструкций» комплексный техник рӱдерыш миен. Тушто корно да кӱварлан чарак саварым, кӱртньӧ меҥгым, кӱртньӧ корнылан конструкцийым да молымат луктыт. Мийыме эше ик кугу предприяитий Симбирск автобус завод. Тудо лишыл жапыште олалан ӱлыкшӧ кӱваран, шуко пассажир пурыман, шеҥгел двигателян автобусым да газ дене пашам ыштыше автобусым лукташ шона. Марий Элым вуйлатыше палемден: республикысе предприятий- влак завод- влакын сай опытыштым налаш ямде улыт, а торгово-экономик пашаште вашкыл промышленный комплексым вияҥдымаште пайдале лиеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
