Марий Элын делегацийжын Ульяновск областьыш мийыме лектышыжлан кок кундемын правительствыже коклаште пайдале ойпидышым шотлыман

Марий Элын делегацийжын Ульяновск областьыш мийыме лектышыжлан кок кундемын правительствыже коклаште пайдале ойпидышым шотлыман
          Марий Элын делегацийжын Ульяновск областьыш мийыме лектышыжлан кок кундемын правительствыже коклаште пайдале ойпидышым шотлыман. Юрий Зайцевын вуйлатыме делегаций радамыште исполнительный кучем органлан да 13 промышленный предприятийын  вуйлатышышт лийыныт. Республикыште ыштен лукмо продукцийым областьыш колташ кутырен келшыме. Тиде- респиратор, поролон, порошокан чия, искусственный коваште, мороженый, пу модыш, упаковка да молат. Южыжо тымартеат кылым кученыт, ынде ассортиментым кумдаҥден кертыт. Ульяновскысе «Металло конструкций» корным чоҥымаште кучылташ продукцийжым колташ ямде. Республикын транспорт министерствыже конкурс процедурым увертарымекыже тушко ушнаш шона. Тиддеч посна Юлтех ден «Ил» ПАО- Авиастар да Ульяновскысе кугыжаныш техник университет коклаште кылым вияҥдыме нерген кутырен келшыме. Юрий Зайцев тыгак совещанийын участникше- влаклан Кугу Юл корным да кӱртньӧ корно путешествийым, экотуризмым, электронике ден микроэлектроникым, машиностроений  ден пушеҥгым обрабатыватлымашым вияҥдыме корно- влакым каҥашаш темлен. Губернатор Алексей Русских палемден: ыштыме ойпидыш- влак предприятий, производство, тунемме тӧнеж- влак коклаште сай вашкылым ышташ да вияҥдаш полшат.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски