Марий Элым вуйлатышым республикын у военкомжо дене палымым ыштеныт

Марий Элым вуйлатышым республикын у военкомжо дене палымым ыштеныт
            Марий Элым вуйлатышым республикын у военкомжо дене палымым ыштеныт. Теҥгече Марий Элым вуйлатыше Юрий Зайцев дене кызыт пеҥгыдемдыме сарзе комиссар Кирилл Солодовник дене вашлиймашышт Правительстве пӧртыштӧ эртен. Республикын сарзе комиссарже дене Юрий Зайцевым Рӱдӧ сарзе округын штаб начальникшын сомылжым шуктышо, полковник Андрей Ефремов палымым ыштен. Тудо Кирилл Солодовник нерген грамотный, пашам чаткан шуктышо вуйлатыше, чын планироватлен моштышо, задаче- влакым кӱлеш семын шуктымым пеҥгыдын терген шогышо вуйлатыше семын ойлен. Юрий Зайцев палемден: республикыштына сарзе карьерын чыла тошкалтышыжым эртыше, достойный офицерым ужаш куанле. Элым да оборона министерствым вуйлатыше- влакын шындыме тачысе кечылан сложный задаче- влакым ӱшанлын шуктеда манын ӱшанем. Мемнан коллективна сай, ме пырля келшен пашам ышташ тӱҥалына манын шонем, - каласен республикым вуйлатыше.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски