Марий Элыште руш да марий йылме дене возымо эше 245 корно палым вераҥдат
Марий Элыште руш да марий йылме дене возымо эше 245 корно палым вераҥдат. 2020-шо ий гыч МарНИИ-н пашаеҥже- влак руш гыч марий йылмыш кусарыме ямдылалтме пашам шуктеныт. Республикысе калык лӱм- влакым йоҥылыш возымо нерген уверым колтен шога. Шуко йоҥылышыжын амалжылан шрифтыште марий буква- влакын уке улмыштым шотлат. Вандализм фактат рашемын. Кодшо кечылаште Октябрьский- Троицкий Посад корнышто уэмдыме палымат пуженыт. Марла ужашыжым амал деч посна чиялтен шынденыт., йоҥылыш уке, чыла чын возымо улмаш. Ынде подряд организацийлан у палым уэш вашталташ логалеш. Транспорт министрын алмаштышыже Елена Кузнецован мутшо почеш, кодшо ий кеҥеж гыч куд автотрассыште корно пашазе- влак кок йылме дене возымо 273 палым вераҥденыт. Тений эше 245 пале шке вержым мушаш. Кызыт республикысе опорный корно сетьлаште гына ышталтеш. 2024-ше ий гыч районлаште республике кӱкшытан корныламат авалтыме лиеш.
Фото: Марий Элысе корно- влак.
Фото: Марий Элысе корно- влак.
