Куженер районысо школышто Афганистаныште лийше выпускникыштым шарныме лӱмеш ече дене эстафетым эртареныт

Куженер районысо школышто Афганистаныште лийше выпускникыштым шарныме лӱмеш ече дене эстафетым эртареныт
             Куженер районысо школышто Афганистаныште лийше выпускникыштым шарныме лӱмеш ече дене эстафетым эртареныт. Тудо Коҥганур школышто лийын. Таҥасымаш школын выпускникше, Афган мландыште геройла вуйым пыштыше, Йошкар Шӱдыр орден дене палемдалтше Леонид Акпулатовлан пӧлеклалтын. Шарнат- Леонид сай ечызе лийын, школын сборныйжо лӱм дене таҥасен. Спорт пайремыш военнослужащийын родо-тукымжым, ик классыште тунемшыже- влакым да тудын лӱмжым нумалше пионер отрядым ӱжмӧ. Боецым эн ончыч тойымо верыште шарналтеныт. Эстафета марте тыгак тунемше- влак выпускник-шамыч- ече дене спорт мастер Галина Ильбахтина, Борис Шубин, афганец Игорь Тойшев дене вашлийыныт. Таҥасымашке 11 команде лектын. Нунын коклаште йоча садыш коштшо- влак, икымше гыч 9-ше класс марте тунемше-шамыч, туныктышо да выпускник- влакын командышт да спорт мастер- влакын командышт лийыныт. Эстафета жапыште ончаш толшо- влак коклаште шере пӧлек верч таҥасымаш- влакым эртарыме. Мучашыште чылалан Диплом ден пӧлекым кучыктымо. А Лёня Акпулатов лӱмеш куснылшо кубокым тений шымше класс сеҥен налын.
           Фото: Коҥганур школ.

Прошлые выпуски