Марий Элын делегацийже Татарстанын посна экономик зоным ыштыме опытшым шымлен

Марий Элын делегацийже Татарстанын посна экономик зоным ыштыме опытшым шымлен
Марий Элын делегацийже Татарстанын посна экономик зоным ыштыме опытшым шымлен. Правительстве председательын алмаштышыже Дмитрий Троицкийын вуйлатыме Марий Элын делегацийже Татарстан республикыш паша дене мийыме кышкарыште «Алабуга» посна экономик зоныш да Набережный Челнаште «Мастер» Камысе индустриал паркыш миен. Марий Элын правительствыже кундемыштына промышленно-производственный шотан посна экономик зоным ыштымаште чолган пашам вӱда. А Татарстан Республикын тидын шотышто опытшо кугу да тиде корно дене сайын пашам ыштыше проектше- влак улыт. Делегацийын еҥже- влак пашам кузе виктарымым шымленыт, резидентым кумылаҥдыме опыт дене палыме лийыныт, нунын производствыштым, парклан пашам ышташ инфраструктуро объект- влак кӱлмым онченыт. Ондакырак посна экономик зоным ыштыме проект почеш Татарстан ден Марий Эл Республикын промышленность да торговля министерствыштын, «Алабуга» зонын специалистышт гыч шогышо пашаче группым ыштыме ыле. Проектым шыҥдараш Марий Элын мо кӱлешыже чыла уло. Промышленность республикын базовый отрасльже улеш да регионын валовой продуктыштыжо 30 процентым айла. Марий Эл тӱжем утла тӱрлӧ промышленный продукцийым луктеш. Республике ужалкалыме- йӱкшыктарыше оборудованийым, электроустановка изделийым, кӱртньӧ омсам лукмаште российысе лидер улеш. Оборонно-промышленный комплекс да радиоэлектронике предприятий- влак чолган вияҥыт. Нуно регионысо валовой продуктышто 20 процентым айлат. Марий Элыште посна экономик зоным ыштымеке резидент- влак парышлан, погылан, мланде да транспорт налоглан преференцийым налыт. Правительстве вуйлатышын алмаштышыже Дмитрий Троицкий палемден: делегацийын паша визитшылан кӧра инвестиций потенциалым вияҥдаш практик шинчымашым налме. Фото: Марий Элым вуйлатышын администрацийжын увер дене пашам ыштыше пӧлкаже.

Прошлые выпуски