Районышто тӱвыра тӧнеж- влакын 2023-шо ийысе пашаштым иктешлыме
Кодшо ийын Куженер районышто калыкле проект почеш Тӱвыра пӧртым уэмдыме да кинозалым модернизироватлыме. Районышто тӱвыра тӧнеж- влакын 2023-шо ийысе пашаштым иктешлыме. Район- «Тӱвыра» проектым шыҥдарыше чолга участник. Тушто йоча сымыктыш школым ачалыме, автоклубым налме, Йывансола тӱвыра пӧртым уэмдыме да кинозалым модернизироватлыме. Куженерысе тӱвыра да каныш рӱдерыште ончымо залыште олмыктымо пашам ыштыме. Правительстве тидлан кок миллион наре теҥгем ойырен. Районысо тӱвыра пӧлкам вуйлатыше Светлана Швецован мутшо почеш книгагудо- влак 852 мероприятийым эртареныт. Тушко 74 тӱжем утла еҥ ушнен. Тоштер- влак 15 экспедицийым, 23 выставкым, 263 экскурсийым, 62 тӱвыра-тӱшка мероприятийым эртареныт. Правительстве вуйлатышын алмаштышыже- тӱвыра министр Константин Иванов тӱвыра пашаеҥ- влакын тыршымыштлан тауштен да награде- влакым кучыктен.
Фото: Тӱвыра министерстве.
