Ленинградым аралыше Марий Элын шочшыжо-влакым шарныме лӱмеш мемориал кӱым почмо
Ленинград областьыште Ленинградым аралыше Марий Элын шочшыжо-влакым шарныме лӱмеш мемориал кӱым почмо. «Невский пятачок» мемориал комплекс кундемыште Кугу ачамланде сар жапыште Лениград верч кучедалше Марий Элын шочшыжо- влаклан мемориал кӱым торжественно почмо. Мероприятийыште Марий Элым вуйлатыше Юрий Зайцев ден Ленинград областьын губернаторжо Александр Дрозденко участвоватленыт. Мемориал кӱ шарнымашан пале- влак аллейыште почётан верым налын. Марий Элын шочшыжо- влак элысе моло боец- влак дене пырля ик стройышто Шочмо элна верч кредалыныт. «Ме пырля Ленинградым араленна» Шарнымаш книган ончыктымыжо почеш мемнан кундем гыч ныл тӱжемат 469 еҥ сарыште вуйжым пыштен але сусырлан кӧра ӱмыр лугыч лийын. Марий Элым вуйлатыше Юрий Зайцев проектын инициаторжо- влаклан тауштен да губернатор Александр Дрозденколан йодышым виктарен колтымыжлан таум каласен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
