Лум шуко погынымылан кӧра эртыше лу кечыште 8 леведыш лунчыргымашым регистрироватлыме
Республикыштына лум шуко погынымылан кӧра эртыше лу кечыште 8 леведыш лунчыргымашым регистрироватлыме. Икымше случайже 7-ше февральыште Советский посёлкышто лийын. Тушто кумшо школын леведышыже лумым чытен огыл. Тудым 11-ше февральлан олмыктымо. 9-ше февральыште У Торъялыште Молодёжный уремысе шуко пачеран пӧртын левевдышыже пудырген. 16-шо февральлан тудым тӱрысынек олмыктымо. Тиддеч посна 10-шо февральыште Волжск олаште Матюшенко уремыште левелыш лаптырген. Вес кечынже Звенигово олаште Ленин уремысе шуко пачеран пӧртын леведышыже лум йымлан волен шинчын. 14-ше февральыште Морко посёлкышто кокымшо школын спортзал леведышыже чытен огыл, 15-ше февральыште Старожильскыште кок пачеран пӧртын леведышыже, 17-ше февральыште вигак кок вере: Приволжский посёлкышто административный зданийын, Козьмодемьянскысе Промышленный уремыште шуко пачеран пӧртын леведышыштым лум пызырен.
Фото: Волжск 24.
Фото: Волжск 24.
