Августышто Марий Эл рӱдӧ гастрономий олаш савырна

Августышто Марий Эл рӱдӧ гастрономий олаш савырна
             Августышто Марий Эл регион- влак кокласе кӱкшытан гастрономий рӱлӧ олаш савырна. Республикыште 16-шо- 17-ше августышто лийшаш регион- влак кокласе кӱкшытан «Йошка Еш» кумшо гастрономий фестивальлан ямдылалтмаш кая. Фестиваль мемнан республикым турист- влаклан утларак кумылаҥдышым ышта да республикыште илыше да уна- влаклан марий кухньым утларак шарен колта. 2023-шо ийыште тудо 5 тӱжем участникым поген, кодшо ийын тушко 12 тӱжемат 700 еҥ толын каен. Тидыже фестивальын кӱлешлыкшым да калыкын йӧратымыжым ончыкта,- каласен Юрий Зайцев.
              Ямдылалтме тӱҥ йыжыҥ- влак да мероприятий план нерген промышленность, экономически вияҥмаш да торговля министр Владимир Халюзин каласкален. Фестиваль икымше гана Медведево районышто ипподром кумдыкышто эрта. Кугу гастрономий пайремыште тӱшкан кочмо предприятий, изи да кыдалаш бизнес участвоватлат. Таче кечылан Российын тӱрлӧ кундемже гыч 12 ресторатор толаш шонымыжым пеҥгыдемден. Нуно Камчатка край, Мурманск область, Карелий, Хакасий, Башкортостан, Коми, Удмуртий гыч толшаш улыт. Марий Эл гыч 13 ресторатор лиеш. Пайремын унаже семын российысе лӱмлӧ шеф-повар Илья Лазерсон лиеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски