Марий Элысе чодыраште тений тул пижмаш шагалемын

Марий Элысе чодыраште тений тул пижмаш шагалемын
             Кокла иктешлымаш: Марий Элысе чодыраште тений тул пижмаш шагалемын. Марий Элым вуйлатыше Правительствын заседанийжым эртарен. Повесткын икымше йодышыжо тул пижме лӱдыкшӧ тургымым кузе эртыме нерген лийын. Кодшо кугарнялан шотлымаште республикысе чодыраште 18 гана тул пижын. Тидыже кодшо ийысе деч ятырлан шагалрак. 2024-ше ийыште тиде жаплан 31 пожарым регистрироватлыме улмаш. Тиде тӱшкан ыштыме пашан лектышыже. Чодыраште авиаций мониторинг эртаралтеш, мланде ӱмбалне патрулирований кая, пожар вышкылаште сутка мучко дежурство шукталтеш, «Лесохранитель!» аппаратно программный комплес полшымо дене видеоэскерымаш шукталтеш. Пытартыш 6 ийыште 63 чодыра пожар техникым, 539 оборудованийым налме,- палемден Юрий Зайцев. Тений пижше 18 тулым икымше суткаштак йӧртымӧ. Республикым вуйлатыше калыкым пожар лӱдыкшыдымлык правилым шуктен шогаш ӱжын. 18-ше апрель гыч тул ваштареш шогымо посна режим ышта.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски