Олан кечыжлан тӱҥалтышым Йошкар-Олаште пу скульптура фестиваль пуа
Олан кечыжлан тӱҥалтышым Йошкар-Олаште пу скульптура фестиваль пуа. 30-шо июльышто рӱдӧ олаштына пу скульптурын «Марий калыкын легендыже» Россий кӱкшытан кокымшо фестиваль-конкурсшо тӱҥалеш. Ушештарыман: икымше мелна когарген огыл- кодшо ийын кеҥежым эртарыме пу скульптура фестиваль участник-шамыч дечат, оласе калык дечат шуко поро ойым налын. Ола администраций тудым йӱлаш пурташ шонен пыштен. Тыге 30-шо июльышто кокымшо конкурсын икымше ужашыже тӱҥалеш. Тудым 13 шагатат 30 минутлан почыт. Кодшо ийын мастар кидан еҥ- влаклан кӧра Марий паркыште Юмын ӱдыр, Чодыра оза, тукымым шочыктышо Лудо да моло йомак герой- влак шочыныт. Нуно чынжымак олам сӧрастарат. Теният мастар- влак марий калыкын миф ден преданийла гыч герой- влакым «ылыжтат». А 8-ше августышто фестивальым «Писе пила» шоу умбакыже шуя. Мастар- влак пу гыч писын пӱчкедыме моштымашым ончыктат. Лу шагатлан тӱҥалеш. Иктешлымаш кечывал тураште лиеш, вара 19 шагат гыч «Шӱдыр йӱк» концерт лиеш.
