Параньга гыч амалкалче социал контрактлан кӧра шонымо пашажым виктарен колтен
Параньга гыч амалкалче социал контрактлан кӧра пашажым виктарен колтен. Социал контракт- неле илыш йыжыҥыш логалше еҥ- влаклан полшымо йӧн йодмаш дене пайдалана. 2025-ше ий гыч социал контракт «Еш» калыкле проект кышкарыште «Шуко шочшан еш» федерал проектын составышкыже пура. Республикысе паша министерствыште ик еҥ нерген каласкаленыт. Тудын шукертсек шонен коштмыжо шукталтын да контракт оксам кондымо йӧныш савырнен. 2024-ше ийыште Параньга районысо социал поддержке рӱдерыш социал контракт негызеш кугыжаныш социал полышым налаш йодмаш дене Ильдар Гаязов миен. Тудо самозанятый семын помещенийлам чоҥымо да олмыктымо аланыште шке пашам почаш шукертсек шонен коштын. Ильдар Бизнес-инкубаторышто квалификацийым нӧлтымӧ курсым эртен, бизнес-планым ямдылен, кӱлеш материал ден оборудованийым налын. Амалкалче шке полышыжым социал вотлаште, шке сайтыштыже темла. Тидлан да квалификацийым эре нӧлтен шогымылан кӧра тудым утларак да утларак палаш тӱҥалыныт. Тудо тӱрлӧ чоҥымо да монтаж пашам шукта, кӱкшӧ качестве дене да жапыштыже ышта. Ильдар палемда: социал полышлан кӧра шукертсек шонен коштымжо шукталтын.
Фото: Паша министерстве.
Фото: Паша министерстве.
