Правительствын заседанийыштыже калыкын психотропный вещества дене пайдаланымыжым шагалемдыме мера нерген йодышым онченыт

Правительствын заседанийыштыже калыкын психотропный вещества дене пайдаланымыжым шагалемдыме мера нерген йодышым онченыт
                Правительствын заседанийыштыже калыкын психотропный вещества дене пайдаланымыжым шагалемдыме мера нерген йодышым онченыт. Алкоголь да наркотик дене пайдаланымылан профилакикым ыштымаш кӱлешан задаче. Тудлан ме кугу тӱткышым ойырена. Тӱшка вий дене ме шуко ыштен кертына,- палемден Юрий Зайцев. Тазалыкаралтыш министр Владимир Гладевын ойлымыжо почеш аракам йӱмашым ик еҥлан шотлымаште тений икымше кварталыште кодшо ийысе деч шагалемдымаш, алкогольым ужалымашым 4,8 процентлан иземден. Тидымат палемдыме: республикысе наркологий службо арака деч зависимый- влакын чотышт 8 процентлан иземмым регистрироватлен.
                Тазалыкаралтыш министерствын тӱҥ задачыже- алкогольым да моло психоактивный вещества ден кумылан- влакым ондакак пален налмаш. Кучем орган- влак дене пырля ола да районлан вуйлатышышт дене таза илыш йӱлам шарен колташ, тиде корно дене увер пашам вияҥдаш кӱштымӧ. Вашлиймашыште кодшо ийын Волжскышто почмо айныктарыме верын пашажым каҥашыме. Тӧнеж пайдале улмыжым пеҥгыдемден ончыктен: медицина организацийлашке нелыт шагалемын да калыкын лӱдыкшыдымлыкшым ыштыме. Тиде опытым моло муниципалитетлашкат шараш кӱлеш,- палемден Юрий Зайцев.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски