Кугу Сеҥымашлан пӧлеклалтше гала-концертыште эн уста артист- влак шке номерыштым ончыктат

Кугу Сеҥымашлан пӧлеклалтше гала-концертыште эн уста артист- влак шке номерыштым ончыктат
Кугу сеҥымашлан торжественный мероприятий- влакым ямдылыме йодышым Правительстве пӧртыштӧ Республикым вуйлатыше Александр Евстифеев тӱвыра, печать да калык- влакын пашашт шотышто министр Константин Иванов дене каҥашен. Министр палемден: пайремлан ямдылалтмаш тӱҥалын. А мероприятийже- влак февраль гыч чолган эртаралташ тӱҥалыт. Икымше февральыште «Салют Победы» фестиваль тӱҥалтышым налеш. Кажне шуматкече да рушарня еда районла гыч ныл коллектив Йошкар-Олаш, фестиваль-конкурсыш толаш тӱҥалеш. Тудыжо 16-шо март марте шуйна. Вара сеҥыше палемдалтеш. 6-шо майыште Сеҥымашын 30-шо идалыкше лӱмеш тӱвыра полатыште кугу гала-концерт лиеш. Пӱтынь республике гыч эн уста коллектив- влак Сеҥымаш кечылан пӧлеклыме номерыштым ончыктат. Инвалид- влакын Спартакиадышт годым район- влакым ушымо сай опытым кучылташ тӱналына. Тиддеч посна майыште театр- влак эн оҥай постановко- влак дене республике мучко кажне районыш гастроль дене лектын кошташ тӱналыт. Александр Евстифеев ушештарен: Владимир Путин чыла торжественный мероприятийым сай кӱкшыт дене эртараш задачым шынден. Сандене  Сеҥымаш кечылан ямдылалтме йодыш деке кугу тӱткышым ойырыман.

Прошлые выпуски