Армийыш налшаш рвезе- влакым вич кечаш сборлаште шуараш тӱҥалыт
Марий Элым вуйлатыше Александр Евстифеевын эртарыме совещанийыште самырык тукымым военно- патриотизм шӱлышеш шуарыме нерген ойлымо. Вашлиймаште правительствын еҥже- влак, рӱдола мэрын сомылжым шуктышо Евгений Маслов, Киевско- Житомирский кумшо степень Кутузов орденан 14-ше ракет дивизийын командиржын алмаштышыже Мансур Сафиуллин лийыныт. Александр Евстифеев чылаштым саламлышыла ушештарен: 2020-шо ийым Россий президентын Указше дене Шарнымаш да Чап идалык семын увертарыме. Тидлан кӧра патриотизм шӱлышеш шуарыме йодыш ончыко лектеш. Угарман олаште эртыше совещанийыште армийыш налшаш рвезе- влакым ямдылыме нерген ойлымо ыле. Сандене тиде йодыш округысо канжне кундемыште каҥашалтеш. Тушто кок проект нерген ойлымо. Иктыже Угарман кундемыште эртыше «Гвардеец» лагерь, тушто рвезе- влак вич кече ямдылалтыт. Тушко Марий Эл гыч кадет класслаште да кыдалаш профессионал тунемме тӧнежлаште тунемше 180 рвезе тений ноябрь мучашыште кайышаш улыт. Весыже- «Патриот» военно- патриот парк. Тушко икмыняр корно пура: выставке, тоштер паша, боевой ямдылалтмаш, спорт таҥасымаш, тӱвыра, туныктымо, социал паша. «Авангард» военно- патриот рӱдерыште самырык- влаклан лӱмын шуарыме да туныктымо комплекс лиеш. Тушто армий илыш дене келыштаралтше вич кечаш сбор- влак эртат. Республикым вуйлатыше Правительство председательын икымше алмаштышыже Михаил Васютинлан самырык тукымым «Гвардеец» лагерьыште, «Патриот» паркыште да «Авангард» рӱдерыште военно- патриоитизм шӱлышеш шуарыме пашам контрольыш налаш кӱштен.
