Марий Турек районышко наркотик ваштареш виктаралтше десант миен
Марий Турек районышко наркотик ваштареш виктаралтше десант миен. «Илаш! Йӧраташ! Ӱшанаш!» наркотик ваштареш виктаралтше десант» акцийым эртараш эл кӧргӧ паша министерстве тӱҥалтышым ыштен. Акций кышкарыште специалист- влакын командышт районлаш лектын коштыт да верлаште муниципалитет вуйлатыше- влак гыч тӱҥалын неле саманыш логалше ийготыш шудымо- влак марте погышыно-шамычлан лекцийым, мутланымашым, тренингым эртарат. Районласе школлаште профилактике пашам «Медик-волонтёр»- влак толкынын доброволецше, марий университетын студентше- шамыч да полицийын сотрудникше- влак эртареныт. Тунемше- влаклан «Уке манын каласе!» мутланымаш ден тренингым ыштеныт да уроклаште наркотикын эҥгекше нерген каласкаленыт. Ял озанлык механизаций техникумышто профилактике квест лийын. Наркотикым шаркалымашым тергыше виктемын пашаеҥже- влак районысо педагог- шамыч дене тунемме тӧнежлаште профилактике пашам кузе виктарыме, пашаче коллективлаште наркоманийын пӱсын шогымыж нерген ойленыт. Десантын еҥже- влак тыгак ача-ава- влак денат вашлийыныт. Районысо ача-ава погынымаште полицейский- влак епархийын, общественный советын еҥже- влак дене пырля наркотик ваштареш виктаралтше пашам ешыштак эртараш кӱлмӧ нерген мутланеныт. Писхолого-педагогик полышым пуышо «Доверий» рӱдерын еҥже- влак «риск группыш» пурышо ийготыш шудымо, учётышто шогышо- влак да нунын ача-авашт дене вашлийыныт, психологий полышым пуэныт.
