Тунемше- влак аттестат дене пырля ешартыш профессийым налыт
Йошкар-Оласе 10-шо школым тунем пытарыше- влак аттестат дене пырля ешартыш профессийым налыт. Кодшо ийын тушто у проектым тӱналыныт. Аттестат дене пырля илышыште кӱлеш лийын кертше профессийлан туныктымо нерген документым пуат. 29 тунемше автослесарь, повар-кондитерлан тунем лектын. Кызыт 10-шо классыште тунемше- влак тоштер да экскурсий паша дене палыме лийыт. Тиде сомыллан калыкле тоштерын еҥышт туныктат. Кум тылзе шинчымашым налме деч вара, «экскурсовод» специальностьлан свидетельствым кучыктат. Школым вуйлатыше- влакын мутышт почеш эше ик проект кумылым савыра. Юлтехын чоҥымаш да архитектура кафедрыже 3Д моделированийын негызше, объектлам проектироватлыме, графике пашалан туныктат. Тунем пытарымеке «Архитекторын полышкалышыже» сертификатым пуат. Тений 10-шо школышто тунемше 85 ӱдыр- рвезе ешартыш профессийым налеш.
