Марий Элысе судья- влак кодшо ийысе пашаштым иктешленыт
Республикысе конгресс- влак полатыште Марий Элысе судья- влакын совещанийышт лийын. Нуно тӱшка юрисдикций суд- влакын кодшо ийысе пашаштым иктешленыт. Вашлиймашыште Марий Элым вуйлатыше Александр Евстифеев, кучемын законодательный органжым, суд инстанцийлам, силовой министерстве ден ведомствылам вуйлатыше- влак, мер пашаеҥ да палыме юрист- шамыч лийыныт. Ойлышо- влак кызытсе илышыште, республикыште правопорядкым аралыме да тудым вияҥдымаште суд кучемын кугу рольжым, суд корпус ӱмбаке кажне ийын ешаралт толшо нелылыкым палемденыт. Эртыше ийын район да олаласе суд да мировой судья- влак 105 тӱжем административный да граждан пашам ончен лектыныт. Тидыже 18-ше ий деч 14 процентлан шукырак. Республикым вуйлатыше суд пашаеҥ- влакым паша качествым волтыде умбакыжат тыршаш ӱжын. Ойыртемалтше пашаеҥ- влаклан нарадым кучыктымо.
