Марий Элын консолидированный бюджетын парышыже 18 миллиардат 500 миллион утла теҥгелан шукталтын

Марий Элын консолидированный бюджетын парышыже икымше июльлан шотлымаште 18 миллиардат 500 миллион утла теҥгелан шукталтын. Роскотшо 19 миллиардат 600 миллион теҥге лийын. Финанс министерствын увертарымыж почеш, парышын тӱшка кугытшо гыч налог да налогдымо парыш 9 миллиардат 315 миллион лийын. Кодшо ийысе тыгаяк жап дене таҥастарымаште 219 миллион теҥгелан шагалрак. Безвозмездно пурышо окса 9 миллиардат 275 миллион лийын. Роскотын тӱҥ ужашыже туныктымо паша дене кылдалтын- 31 процент, социал политикылан 22 процент каен, калыкле политикылан 18 процентым кучылтмо. Муниципал образований- влаклан трансфертым 5 миллиардат 981 миллионым колтымо. Тушечын дотацийже 942 миллион теҥге.

Прошлые выпуски