Марий Эл ден Чуваш республикым вуйлатыше- влак вашкылын ончыкылыкшым каҥашеныт

Марий Эл ден Чуваш республикым вуйлатыше- влак вашкылын ончыкылыкшым каҥашеныт
         Марий Эл ден Чуваш республикым вуйлатыше- влак вашкылын ончыкылыкшым каҥашеныт. Теҥгече Юрий Зайцев Чувашийыш миен да пошкудо республикым вуйлатыше Олег Николаев дене вашлийын. Регион- влакым пеҥгыде торгово-экономик кыл ушен шога. Тидыже лишыл пошкудо улмо денат кылдалтын. Экономик кылым вияҥдымаш, экспорт кылым саемдымаш пеш кӱлешан улыт. Регион- влакым калыклан палымым ышташ тыршаш кӱлеш. Еҥ- влак тиде але тудо проектын кушто шыҥдаралтмыже, кушто качестван да йодмаш дене пайдаланыше продукцйиым лукмым пален шогышаш улыт. Кызыт инновацийлан верым ойырыман. Палем, Чувашийыште Марий Элысе семынак кӱкшӧ технологиян производство вияҥеш, технике лукталтеш. Южо сферыште ме тендан дене пырля Юл кундемыште гына огыл, элна мучко ончылно улына.- каласен Юрий  Зайцев.
           Олег Николаевын мутшо почеш регион- влак икте- весыштым вияҥден, пырля ушнен вияҥаш у йӧн- влакым муын кертыт. Вашлийме деловой программыш тыгак пырля «Релематика» предприятийыш мийымаш пурталтын. Тушто электроэнергетике объект- влаклан шанче-техник продукцийым луктыт  да шукерте огыл почылтшо «Пехет» агромаркетыш миеныт. Тушто фермер продукцийым налаш лиеш.
           Мемнан республикын представительже- влак коллегыштын опытыштым шымленыт, ямдылыме планышт дене палдареныт да ончыкылык вашкылым каҥашеныт. Мемнан организаций- влак  Чувашийыш шылым, колбаса сатум, полуфабрикат ден консервым, шӧрым, ушкал ӱйым, сырым, быт хмийым да шуко молымат колтат. Перерабатыватлыше промышленность шке кевытлажым почеш. Аграрий- влак Чуваш кундемыште шке подразделенийыштым вераҥденыт: сӧсна комплексым, сурткайык комплексым, шылым перерабатыватлыше объектлам кучат. Курык марий районысо фермер- влак пошкудо кундемыш саскам, пареҥгым, емыжым колтат. Марий Элысе ял озанлык предприятий- влак Чувашийысе дилер- влак деч техникым налыт, тушеч кушкылым аралыме средствым да минерал ӱяҥдышым кондат. Промышленный предприятий- влак икмыняр сферыште партнёр улыт. Марий Эл гыч компаний- влак ужалкалыме-йӱкшыктарыше оборудованийым, кӱртньӧ омсам, сура ден фурнитурым, электроустановко сатум да шуко молымат пошкудо кундемыш колтат. Регион- влак коклаште турист сферыштат вашкыл вияҥеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски