Марий Элыште тичмаш метражан музыкальный фильмым войзеныт
Марий Элыште тичмаш метражан музыкальный фильмым войзеныт. «Последний лепесток» фильмын лекмыже нерген увер дене Россий кинон кечынже палдареныт. Мюзиклым премьере семын ончыктымаш 13-шо сентябрьыште 13 шагатлан Эрик Сапаев лӱмеш опера да балет кугыжаныш академический театрыште лиеш. Проектын участникше да уна- влак ӱжмаш почеш пурат. А 18-ше сентябрьыште 18 шагатлан Самырык- влак полатыште чыла кумылан- влаклан регистраций почеш виш ончыктымаш эрта.
2023-шо ийын шошым Правительстве вуйлатышын алмаштышыже- тӱвыра министр Константин Ивановын тӱҥалтышыже почеш республикыште ойыртемалтше проектым- «Последний лепесток» икымше тичмаш метражан музыкальный фильмым шыҥдараш тӱналме. «Последний лепесток»- Женя лӱмын ӱдыр нерген историй. Тудлан юзо пеледыш верештеш. Тудын полшымо дене кажне пеледыш йылмым кӱрлын налме годым кеч-могай шонымаш тунамак шукталтеш. Но вучыдымын Витя лӱман рвезе дене вашлиймаш чыла вашталта. Пытартыш ик пеледыш йылме гына кодмеке, Женя эн тӱҥ да кӱлешан шонымашыже нерген шарналта.
Музыкальный фильмым ыштымаш регионысо тӱвыра тӧнежла гыч да кумылан еҥ- влакым- 766 участникым ушен. Тӱҥ рольым Евгения Головатюк ден Роман Сиверов модыт. Режиссёр-постановщикше- Андрей Огородников, композитор Григорий Архипов, хореограф-постановщик- Ирина Шаймарданова, проектын художественный вуйлатышыже Константин Иванов улыт.
Фото t.me/mincult12
2023-шо ийын шошым Правительстве вуйлатышын алмаштышыже- тӱвыра министр Константин Ивановын тӱҥалтышыже почеш республикыште ойыртемалтше проектым- «Последний лепесток» икымше тичмаш метражан музыкальный фильмым шыҥдараш тӱналме. «Последний лепесток»- Женя лӱмын ӱдыр нерген историй. Тудлан юзо пеледыш верештеш. Тудын полшымо дене кажне пеледыш йылмым кӱрлын налме годым кеч-могай шонымаш тунамак шукталтеш. Но вучыдымын Витя лӱман рвезе дене вашлиймаш чыла вашталта. Пытартыш ик пеледыш йылме гына кодмеке, Женя эн тӱҥ да кӱлешан шонымашыже нерген шарналта.
Музыкальный фильмым ыштымаш регионысо тӱвыра тӧнежла гыч да кумылан еҥ- влакым- 766 участникым ушен. Тӱҥ рольым Евгения Головатюк ден Роман Сиверов модыт. Режиссёр-постановщикше- Андрей Огородников, композитор Григорий Архипов, хореограф-постановщик- Ирина Шаймарданова, проектын художественный вуйлатышыже Константин Иванов улыт.
Фото t.me/mincult12
