Йошкар-Олаште икмыняр социал тӧнежлан электротулым ситараш кабельым пыштат

Йошкар-Олаште икмыняр социал тӧнежлан электротулым ситараш кабельым пыштат
             Йошкар-Олаште икмыняр социал тӧнежлан электротулым ситараш кабельым пыштат. Икымше номеран ТЭЦ 6 киловольт куатан кок кабель линийым шупшеш. Нуно 110 киловольтан «Оласе» подстанций деч визымше распределительный пункт марте шуйнат. Энергетик- влакын мутышт почеш линий тыгай социал объект- влаклан электроэнегийым ситарымашым саемда: кокымшо номеран школлан, 64-ше, 35-ше да 8-ше номеран йоча сад-влаклан, Марий Кугыжаныш университетлан, Йошкар-Оласе йоча поликлиникылан, Республикысе клинический эмлыме верлан, Республикысе противотуберкулёз да онкологий диспансер- влаклан да эше икмыняр тӧнежлан. Тиддеч посна линий- влак илыме пӧрт- влаклан, «Троллейбус транспорт» ГУП-лан, уремым волгалтараш да светофор- влаклан, шокшым да шокшо вӱдым ситарыше кок рӱдӧ теплопунктлан электроэнеггийым ситарат.
             Фото: ТЭЦ-1.

Прошлые выпуски