Йошкар-Олаште «Вашке полыш» гыч чӱкташ лийше светофорым вераҥдат

Йошкар-Олаште «Вашке полыш» гыч чӱкташ лийше светофорым вераҥдат
              Йошкар-Олаште «Вашке полыш» гыч чӱкташ лийше светофорым вераҥдат. «Город» акционер ушемын специалистше- влак ойыртемалтше светофрым шындат. Кӱлеш лийме годым тудым вашке полыш станций экстренный машина пациент марте да эмлыме верыш вашке миен шуын кертше манын шке чӱктен-йӧртен кертеш. Ойыртемалтше у светофор Водопроводный ден Вавилов  урем- влак корнывожеш верлана. Йошкар-Ола мэрын пашажым шуктышо Антон Трудиновын мутшо почеш фазым ик кнопкым темдалын вашталташ лиеш. Кнопкыжо вашке полыш станцийыште верлана. Тӱҥ режимыште Водопроводный уремлан ужар тул йӱла, а Вавилов уремлан- йошкарге, тидын годымак пурлашке да шолашке каяш ужыргын йӱлышӧ посна секций- влак лийыт. Фазым писын вашталташ кӱлеш лийме годым Водопроводный уремлан йошкарге чӱкталтеш, Вавилов уремлан ужар сигнал лиеш. Тидлан кӧра вашке полыш машниа- влак пациентлан моткоч кӱлешан секунд ден минут- влакым аныклен коден кертыт. Молан тыгай светофор лач нине урем вожышто верланеныт? Пӱтынь оласе вашке полыш машина- влаклан пурымо да лекме вер лач тыште улеш.
           Фото: Йошкар-Ола мэрий.

Прошлые выпуски