Марий Эл гыч гиревик 24 килоан кирам лу минутышто 225 гана нӧлталын

Марий Эл гыч гиревик 24 килоан кирам лу минутышто 225 гана нӧлталын
            Марий Эл гыч гиревик 24 килоан кирам лу минутышто 225 гана нӧлталын. Марий Элын ик эн сай кирам нӧлтышыжӧ танасымашыште чапле лектышым ончыктен. Кира спорт дене Российын спорт мастерже, Йошкар-Оласе специализированный пожар да утарыше частьын тулым йӧртышыжӧ Радиф Алексеев ик гана веле огыл шке мастарлыкшым да профессионализмжым ончыктен. Россий МЧС-ын федерал округласе территориальный органлажын кира спорт дене Спартиакиадыштышт тудо кокымшо верым налын.                                Таҥасымаш- влак Томск олаште эртеныт. 78 килограмм марте нелытан- влак коклаште танасыше Радиф ешартыш показатель дене гына кокымшо лийын. Тудо икымше призёр семынак кирам лу минутышто 225 гана нӧлталын. Но оппонентше кок килограммлан куштылгырак улмаш. Тидыжак верым палемдыме годым влиянийым ыштен. Шке мастарлыкше дене Радиф общекомандный верлан кугу надырым ыштен. Юл кундем федерал округын гиревикше- влакын командышт кумшо верым налын.
                  Фото: Марий Эл МЧС виктем.

Прошлые выпуски