Шучко ДТП лийын
Увертарыме ыле: Тенгече кастене шучко ДТП лийын. Звенигово район гоч эртыше «Вятка» трассын 45-ше меҥгыштыже Кокшайск ден Таир коклаште теҥгече 20 шагатат 40 минут гутлаште 18 ияш водительын виктарыме «Лада Приора» автомобиль ваштареш корныш кудал лектын. Аварий верыште шым еҥ ӱмыр лугыч лийын: Хёнде Крета автомобиль гыч водитель ден пассжиркыже, тыгак «Лада Приора» гыч водитель ден ныл пассажирже. Уголовный пашам тарватыме.
Марий Элым вуйлатыше ДТП-ште ӱмыр лугыч лийше- влакын лишыл еҥыштлан шке чаманымашыжым каласен. Шке лишыл еҥым йомдарымаш- кугу ойго. Йомдарыме ойгыдам лош пайлем,- возен Юрий Зайцев социал вотысо шке лаштыкыштыже.
Ушештарена: теҥгече кастене шучко ДТП-ште вигак шым еҥ колен. Нунын кокла гыч иктыже ийготыш шудымо 16 ияш подростко, ныл самырык еҥже 18-20 ияш ӱдыр-рвезе лийыныт. Ончылгоч шымлыме почеш, правам налдыме, 18 ияш водитель «Лада Приора» машиныже дене ваштареш корныш кудал лектын да Хёнде Крета дене вашла тӱкнен.
Республикым вуйлатыше корно правилым шуктымо нерген эше ик гана ушештара. Водитель- влак шкештлан гына огыл, пассажир ден йолешке- влак ончылнат мутым кучат. Руль воктеке йӱшӧ вуя шинчаш ок лий, тӱткӧ лийман да скорость режимым чот эскерыман. Кушкын толшо икшывыда дене кӱлеш семын мутланыза: илыш икте гына, руль воктене тӱткыдымылык, утыждене шкалан ӱшанымаш, шоналтыде кудалмаш эн неле да кочо мучашыш конден кертеш,- палемден республикым вуйлатыше.
Фото: Кугыжаныш автоинспекций.
Марий Элым вуйлатыше ДТП-ште ӱмыр лугыч лийше- влакын лишыл еҥыштлан шке чаманымашыжым каласен. Шке лишыл еҥым йомдарымаш- кугу ойго. Йомдарыме ойгыдам лош пайлем,- возен Юрий Зайцев социал вотысо шке лаштыкыштыже.
Ушештарена: теҥгече кастене шучко ДТП-ште вигак шым еҥ колен. Нунын кокла гыч иктыже ийготыш шудымо 16 ияш подростко, ныл самырык еҥже 18-20 ияш ӱдыр-рвезе лийыныт. Ончылгоч шымлыме почеш, правам налдыме, 18 ияш водитель «Лада Приора» машиныже дене ваштареш корныш кудал лектын да Хёнде Крета дене вашла тӱкнен.
Республикым вуйлатыше корно правилым шуктымо нерген эше ик гана ушештара. Водитель- влак шкештлан гына огыл, пассажир ден йолешке- влак ончылнат мутым кучат. Руль воктеке йӱшӧ вуя шинчаш ок лий, тӱткӧ лийман да скорость режимым чот эскерыман. Кушкын толшо икшывыда дене кӱлеш семын мутланыза: илыш икте гына, руль воктене тӱткыдымылык, утыждене шкалан ӱшанымаш, шоналтыде кудалмаш эн неле да кочо мучашыш конден кертеш,- палемден республикым вуйлатыше.
Фото: Кугыжаныш автоинспекций.
