Марий Элыште службо порысым шуктымо годым ӱмыр лугыч лийше полицейский- влакым шарналтеныт

Марий Элыште службо порысым шуктымо годым ӱмыр лугыч лийше полицейский- влакым шарналтеныт
             Марий Элыште службо порысым шуктымо годым ӱмыр лугыч лийше полицейский- влакым шарналтеныт. Шарнымашан мероприятий- влак уло республике мучко эртеныт, тушто герой- влакын родо- тукымыштат участвоватленыт.
             Республикысе Эл кӧргӧ паша министрын алмаштышыже Виталий Любинецкий, МВД пеленсе общественный советын еҥже ден ветеранже- влак Роман Золотухин ден Виталий Южаков полиций пашаеҥ- влакын шӱгарышт деке пеледышым пыштеныт.
              Мероприятий «Ойгырышо ава» мемориал комплекс воктене умбакыже шуйнен. Эл кӧргӧ паша министр, полицийын генерал-майоржо Андрей Вырвич, подразделенийлам вуйлатыше-шамыч, вуйым пыштыше сотрудник- влакын ешышт да моло участник- влак герой- влакым ик тат шып шоген шарналтеныт да мемориал деке пеледышым пыштеныт. Вуйым пыштыше- влакын ешышт тыгак Серафим Саровскийын храмышкыже миеныт. Чыла район ден округлаште шарнымашан мероприятий ден «Профессий- аралымаш» патырлык урок- влак эртеныт.
               Фото: Марий Эл МВД-н пресс-службыжо.

Прошлые выпуски