Константин Иванов марий- влакын курымла дене илыме Мишкан районыш миен

Константин Иванов марий- влакын курымла дене илыме Мишкан районыш миен
             Константин Иванов Пошкырт кундемысе марий- влакын курымла дене илыме Мишкан районыш миен. Правительстве вуйлатышын алмаштышыже- тӱвыра министрын мийыме амалже марий тӱвырам аралыме да вияҥдыме паша дене палыме лиймаш лийын.
             Делегацийлан муниципалитетыште марий тӱвырам арален кодаш мо ышталтме нерген каласкаленыт да ончыктеныт. Ончыч Мишкан селасе марий историй да тӱвыра рӱдерыш миеныт. Кызыт тушто анимаций да звукозапись студий- влак, конференц-зал, марий тӱвыран интерактив тоштерже пашам ыштат. Тиддеч посна делегаций селасе кокымшо номеран Полилингвальный шуко профилян школыш миен. Тушто полилингвальный 8 класс пашам ышта, а туныктышо- влак чулымын англичан да марий йылмым шыҥдарат.
               Визит верысе тӱвыра полатыште вашлиймаш дене мучашлалтын. Тушто иктешлымашым ыштыме да «Марий Эл» Кугыжаныш куштышо ансамбль концертым ончыктен.
               Мероприятийыште Башкортостан республикын тӱвыра министржын пашажым шуктышо Фанур Шайхисламов, Башкортостаныште Марий Элын полномочный представительже Виталий Ялаев, Мишкан район администрацийым вуйлатыше Лариса Александрова лийыныт.
                  Фото: Марий Эл тӱвыра министерстве.

Прошлые выпуски