Ончычсо эҥер флот министрым шарныме лӱмеш иймаш дене таҥасымаш- влак эртеныт
Ончычсо эҥер флот министрым шарныме лӱмеш Марий Элыште иймаш дене таҥасымаш- влак эртеныт. Козьмодемьянскыште «Юл» лӱман бассейныште РСФСР-ын эҥер флотшын ончычсо министрже Леонид Багровын шочмыжлан 95 ий темме лӱмеш «Паллада» парус клубын юнгыжо- влак коклаште иймаш дене тҥасымаш- влак эртеныт.
Участник- влакым ийгот шот дене кум тӱшкалан шеледыме. Изирак ийготан тӱшкаште 25 метрыш эн сайын ийшылан Марк Якутов, ӱдыр- влак коклаште Дарья Шеина шотлалтыныт. Кыдалаш ийготан- влак коклаште 50 метрыш таҥасымаште сеҥышыш Артём Боронин, ӱдыр- влак коклаште Анастасия Телегина лектыныт. Кугурак ийготан- влак коклаште 100 метрыш иймаште Константин Антонов эн сай лийын.
Ушештарена: Леонид Багров- Курык марий районысо Похросолаште шочын. Совет жапысе озанлык, кугыжаныш да политике деятель, 1978-ше гыч 1990-шо ийлаште РСФСР эҥер флотын министрже, профессор, технике шанче кандидат, РАТ-ын академикше. Козьмодемьянск олан почётан гражданинже лийын. Шке жапыштыже спорт дене кылым кучен, 1954-ше ийыште иймаш дене РСФСР-ын чемпионжо лийын.
Фото: «Паллада» парус клуб.
Участник- влакым ийгот шот дене кум тӱшкалан шеледыме. Изирак ийготан тӱшкаште 25 метрыш эн сайын ийшылан Марк Якутов, ӱдыр- влак коклаште Дарья Шеина шотлалтыныт. Кыдалаш ийготан- влак коклаште 50 метрыш таҥасымаште сеҥышыш Артём Боронин, ӱдыр- влак коклаште Анастасия Телегина лектыныт. Кугурак ийготан- влак коклаште 100 метрыш иймаште Константин Антонов эн сай лийын.
Ушештарена: Леонид Багров- Курык марий районысо Похросолаште шочын. Совет жапысе озанлык, кугыжаныш да политике деятель, 1978-ше гыч 1990-шо ийлаште РСФСР эҥер флотын министрже, профессор, технике шанче кандидат, РАТ-ын академикше. Козьмодемьянск олан почётан гражданинже лийын. Шке жапыштыже спорт дене кылым кучен, 1954-ше ийыште иймаш дене РСФСР-ын чемпионжо лийын.
Фото: «Паллада» парус клуб.
