Юрий Зайцев Юлтехын студентше- влакым Шинчымаш кече дене саламлен

Юрий Зайцев Юлтехын студентше- влакым Шинчымаш кече дене саламлен
                Юрий Зайцев Юлтехын студентше- влакым Шинчымаш кече дене саламлен. Саламлыме да сугынь шомакше- влакым Республикым вуйлатыше Юлтехыште торжественный линейке годым преподватель, икымше курсыш толшо да чыла студентлан виктарен. Студент- влаклан тудо ушештарен: нуно ик эн кугу, поян историйян да   вияҥше йӱлан шанче да тунемме тӧнежыште шинчымашым погат. Тиде вузым ятыр лӱмлӧ шанчыеҥ, кугыжаныш да мер пашаеҥ, кугу промышленный, чоҥымо, чодыра озанлык предприятийлам, банк структурылам вуйлатыше- влак тунем лектыныт. Таче Юлтехыште у тунемме военный рӱдер шке омсажым почын. Тудо студент- влаклан кызытсе жаплан келшыше военно-учёт специальностьым налаш полша да Оборона министерствын шанче да шымлыме пашам эртарымыжым шотыш налын Юлтехын кушмо рӱдерже лиеш. Рӱдер у шанче направлений- влакым почаш йӧным ышта да икымше сентябрь гыч туныкташ 108 студентым налеш. Студент- влакым тыгак Марий Эл деч сенатор Константин Косачёв, Кугыжаныш Погыным вуйлатыше Анатолий Смирнов, Юлтехын ректоржо Игорь Петухов саламленыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски