Вӱтла эҥерысе изи отрошто колызо- влакын пӧртыштышт пожарлан кӧра кум пӧръеҥ колен
Вӱтла эҥерысе изи отрошто колызо- влакын пӧртыштышт пожарлан кӧра кум пӧръеҥ колен. Нуно 49- 52 ияш лийыныт. Капыштым кокымшо сентябрьыште йӱдым йӱлышӧ портым рончымеке муыныт. Происшествий Курык марий районысо Вытламары ял деч тораште огыл лийын. Следствий виктемын ончыктымыжо почеш тул пижмын амалже тул дене шекланыде пайдаланымаш лийын. Рашемдыме: куд еҥ Вӱтла эҥерыште колым кучен. Пӧрт кӧргыштӧ кочо вӱдым подылыныт. Зажигалке дене тамакым пижыктыме годым занавеске ылыжын. Йӱлышӧ порт гыч кумытынжо лектын кертыныт, кумытшо йӱлен колен. Следователь чыла мо-кузе лиймыжым терга.
Фото: Марий Элысе следствий виктем.
Фото: Марий Элысе следствий виктем.
