Шымше номеран колоний-поселений 30 тоннаш контрактым мучашла
Шымше номеран колоний-поселений 30 тоннаш контрактым мучашла. Тудын специалистше- влак лӱмын ямдылыме урлык шоган ден ковыштам мариноватлат да Камчатка крайысе исправительный тӧнежлашке колтат. Шымше колоний поселенийыште ынде кумшо ий свежа саскам перерабатыватлыше цех пашам ышта. Тушто пеш сайын ковышта ден шоганым, кешыр ден киярым, йошкар ушмен ден помидорым ышташ тунемыныт да тӱрлӧ шӱрлан заправкым ямдылашат опытым погеныт. Тиде продукцийым тӱҥ шотышто системе кӧргысо кӱлешлыклан, мемнан деч пеш тораште верланыше регион- влаклан колтат. Тиде арнян цех пашаеҥ- влак Россий УФСИН ден Камчатка край коклаште ыштыме контракт почеш пашам мучашлат. Заказ изи огыл лектын: лу тонн мариноватлыме шоган да 20 тонн мариноватлыме ковышта. Но рекорд марте але тора. Икана цех Челябинск областьыш щи ден борщлан 126 тонн заправкым колтен ыле. Тидыже тюрьма общепитын поварже- влакын пашаштым палынак куштылемда. Ик сменыште 8 пашаеҥ ямде продуктан 384 кум литран банкым темен ямдылат. Изи участкын идалык мучаш марте пашаже сита: нуно Киров да Угарман областьлан 100 тонн шуктымо ковыштам да Липецк УФСИН-лан 9 тонн мариноватлыме шоганым ямдылышаш улыт. Мемнан республикын уголовно-исполнительный системыжын кӱлешлыкшымат огыт мондо. Марий колонийлаште шинчыше- влаклан, 38 тонн ковыштам, шоганым, кешырым да йошкар ушменым шинчалтат да мариноватлат.
Фото: Россий ФСИН-ын Марий Элысе виктемжын пресс-службыжо.
Фото: Россий ФСИН-ын Марий Элысе виктемжын пресс-службыжо.
