Марий Эл гыч лӱмын эртарыме сар операций кундемыш вич внедорожникым колтымо

Марий Эл гыч лӱмын эртарыме сар операций кундемыш вич внедорожникым колтымо
              Марий Эл гыч лӱмын эртарыме сар операций кундемыш вич внедорожникым колтымо. Черетан гуманитар грузыш вич автомобиль, маскироватлыше сеть, дрон ваштареш оборудований, транспортлан шина, квадрокоптер, тепловизор, ӱзгар ден материал, эм, лӱман посылке ден серыш- влак пуреныт. Грузым погымо да тудым намиен кодымо пашам «За Марий Эл» поро кумыл фонд шукта. Марий Элым вуйлатыше Юрий Зайцев палемден: грузым йодмо почеш чумырат, йодмашым подразделений командир- влак колтат. Мемнан рвезе- влак дене чӱчкыдын вашлиям, нунылан полыш кӱлешым пален шогем. Ик конвойым колтымеке, вигак весым погаш тӱналына,- каласен Юрий Зайцев. Тиде пашашке калык, волонтёр- влак, мер организаций, предприятий да бизнесын еҥже- влак ушнат. Республикым вуйлатышын мутшо почеш, гуманитар грузым мемнан чыла боец пӧртыл толмешке погаш тӱналына. Гуманитар полыш деч посна Марий Эл шефыш налме Куйбышев районланат полышым пуа.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски