Марий Эл гыч рестораторын командыже эн оҥай кочкышым ямдылен да калыкле кухньо фестивальыште сеҥышыш лектын

Марий Эл гыч рестораторын командыже эн оҥай кочкышым ямдылен да калыкле кухньо фестивальыште сеҥышыш лектын
           Марий Эл гыч рестораторын командыже эн оҥай кочкышым ямдылен да калыкле кухньо фестивальыште сеҥышыш лектын. Удмуртийысе Быг-Быг калыкле кухньо фестивальыште ресторатор Иван Антроповын командыже «Мемнан тамлырак» калыкле кочкыш конкурсышто «Эн кумылым савырыше кочкыш» номинацийыште сеҥыше лийын. Иван Антропов умылтарен: ме тул ӱмбалне пӧрдыктен тичмаш ир сӧснам кӱыктышна да саска дене, лӱмын ямдылыме соус дене лепошкаш пыштен пуэдышна. Фестивальын унаже- влаклан поснак пӧрдыктен кӱыктымӧ ирсӧсна, подкогыльо, ӱяча, ир янлык шыл дене солянке, ош поҥго дене висте пучымыш чот келшен. Быг-быг фестивальын шӱдӧ дене унаже сийым тамлен онченыт. Тыге у еҥ- влак Марий кундем, марий кухньо дене палыме лийыч, лишыл жапыште Марий Элыш унала толыт манын ӱшанена,- каласен ресторатор.
          Фото: Иван Антропов.

Прошлые выпуски