«На подзарядке» проект Президент грант фонд деч вич миллион наре теҥге оксам налеш
Волжск ола гыч «На подзарядке» проект Президент грант фонд деч вич миллион наре теҥге оксам налеш. Тудо фондын конкурсыштыжо сеҥышыш лектын. Проектым шыҥдарыше «Волжскысо ончыкылыкан йоча» Коммерцийдыме организаций тиде оксам налеш. Проектын шонымашыже уш-акыл шотышто инвалидностян йоча да самырык- влакым физически вияҥдымашке виктаралтын. Автор- влакын ямдылыме программышт спорт коштмаш, иймаш, команде дене модмаш, велосипед дене коштмаш, спорт тренажёрлаште упражненийым ышташ полшышаш. Тиддеч посна шинчымашым погымо да консультаций мероприятий- влак лийыт, спорт лагерь- влак эртат. Проектыште тыгак волонтёр- влак полшымо дене тренер дене тӱшкан занятий- влакым эртараш шонат. Спорт инвентарян мини-стадион- влак лийыт, сенсорно каныме зона, велокорно ышталтеш. Волжскысо нылымше школышто команде дене модмо зона да скейт-паркым ямдылыме. Спорт туризм министерствын палемдымыже почеш коммерцийдыме организацийын паша опытшым Волжскышто да Марий Элыште шарен колташ палемдыме.
Фото: Александра Растрёмина (Алексеева).
Фото: Александра Растрёмина (Алексеева).
