Марий Эл гыч самырык кучедалше шахбокс дене тӱнян чемпионжо титулым сеҥен налын
Марий Эл гыч самырык кучедалше шахбокс дене тӱнян чемпионжо титулым сеҥен налын. 23-шо гыч 28-ше октябрь марте Ереваныште шахбокс дене тӱнян кудымшо чемпионатше эртен. Тушто Оршанке гыч 12 ияш Артур Асатрян сеҥышыш лектын. Турнирыште 24 эл гыч 180 спортсмен таҥасен. Комадный зачётышто Россий тыгак икымше верым налын. Кокымшышто- Франций, кумшышто- Германий. Артур Асатрян кум ияш гычак бокс дене кылым куча. Тренерже- ачаже- Самвел Астрян. А шахмат дене ик ий утларак ончыч модаш тӱналын. Ушештарена: шахбокс- тиде ойыртемалтше спорт. Тудо шахмат ден боксым иктеш ушен шога.
Фото: Руслан Габидуллин.
Фото: Руслан Габидуллин.
