Шуматкечын Марий Элым вуйлатыше Юрий Зайцев Козьмодемьянск олалан 440 ий темме лӱмеш пайрем мероприятийыште лийын
Шуматкечын Марий Элым вуйлатыше Юрий Зайцев Козьмодемьянск олалан 440 ий темме лӱмеш пайрем мероприятийыште лийын. Глава верысе калыкым да уна- влакым пайрем дене саламлен да Козьмодемьянскын мэрже Михаил Козловлан комбинироватлыме корно машинылан да олалан светотехнике оборудованийым налаш лу миллион теҥгелан сертификатым кучыктен. Козьмодемьянск- Юл эҥерысе чинче падыраш. Тудо шке историйже, тӱвыраже дене чаплана.- каласен тудо. Мэр Михаил Козлов тауштен да Олан лӱмгечыже вашаш лукмо книгам пӧлеклен. Юрий Зайцев тыгак Правительствын Чап грамотыжым «Ведомости Козьмы и Дамиана» газетын тӱҥ редакторжо Олег Морозюк ден тӱвыра да историй тоштер комплекын художественный вуйлатышыже Ирина Якимычевалан кучыктен.
Марий Элым вуйлатыше Юрий Зайцев тыгак Медведево посёлкым 300 ий темме дене саламлен. Тиде кызытсе жаплан келшыше, чаткан вияҥше, пеҥгыде инфраструктуран посёлко. Тудо умбакыжат вашталт шога палемден Глава.
Таче эше Марий Турек район шкенжын 99-ше шочмо кечыжым палемда. Ме районым чапландарыше лӱмлӧ граждан- влаклан тауштен илена. Районна мо дене поян, мо дене ме кугешнена- тиде замлякна- влакын икмыняр тукымжын надырже.- каласеныт шке саламлымашыштышт Марий Турек район администрацийым вуйлатыше Сергей Решетов ден муниципал районым вуйлатыше Лариса Яндыбаева.
Фото: Марий Элым вуйлатышын администрацийжын увер дене пашам ыштыше пӧлкаже.
