Марий Эл гыч театр проект 14 миллион наре теҥге кугыт грантым сеҥен налын
Марий Эл гыч театр проект 14 миллион наре теҥге кугыт грантым сеҥен налын. Марий Элыште тӱвыра инициативын Президент фондыштыжо вич проект сеҥышыш лектын. Нуно 21 миллионат 700 тӱжем теҥге грант полышым налыт. Мемнан регион гыч 71 йодмашым пуымо лийын. Республикыште эн кугу грантше- 14 миллион теҥгем- «Опера да балет сценыште ачамландын историйже» проект модын налын. Тудо элысе да йот элысе тӱрлӧ театр- влак дене фестивальым ямдылаш йӧным ышта. Тыге Беларусьысо Кугу Театр «Князь Игорь» оперым, Эрик Сапаев лӱмеш опера да балет театр «Екатерина Великая» мюзиклым, «Русский Гамлет» ден «Письма с фронта» балетым, Татар опера да балет театр «Джалиль» опера-поэмым, Донецкысе опера да балет театр «Война и мир» балетым ончыктат. Кугыт шот дене кокымшо грант- кум миллионат 900 тӱжем теҥге «Креатив, контент, искусственный интеллект» самырык- влак медиа-форумыш колталтеш. Эше ик грант- кок миллионат 800 тӱжем теҥге «Человек на войне. Без срока давности» интерактив мультимедий тоштер проектым шыҥдара,- увертара Марий Элын тӱвыра министерствыже.
Фото: Евгений Никифоров (архив)
Фото: Евгений Никифоров (архив)
