Марий университетын диссертаций советыштыже икымше аралымаш- влак лийыныт
Марий университетын диссертаций советыштыже икымше аралымаш- влак лийыныт. Филологий шанче кандидат шанче степеньым налаш диссертацийым аралымаш- влак руш йылме да Российысе калык- влакын йылмышт шотышто диссертаций советыште эртеныт. Инноваций паша шотышто проректор Константин Белослудцев, Диссертаций советым вуйлатыше Елена Карташова, советын еҥже- влак да моло ойлышо-шамыч тиде событийын Марий университетлан да пӱтынь филологий отрасльлан кӱлешлыкшым палемденыт да диссертаций совет кӱшыл квалификациян кадрым ямдылымашке кугу надырым пышта манын ӱшаным каласеныт. Эн ончыч диссертаций пашаже дене руш йылме, литература да жарналистике кафедрын преподавательже Екатерина Бобыкина палдарен. Кокымшо пашам шанче да тунемме литератур редакцийым вуйлатыше Ольга Крылова ончыктен. Пашаштым кӱкшын аклымеке, диссертаций совет когыляныштат ик ой дене филологий шанче кандидат степеньым пуаш пунчалын.
Фото: Марийская правда.
Фото: Марийская правда.
