Оласе йӧнан кумдыкым ыштыме шотышто Российысе конкурсышто Марий Эл гыч кум проект участвоватла
Оласе йӧнан кумдыкым ыштыме шотышто эн сай проектлан Российысе конкурсышто Марий Эл гыч кум проект участвоватла. Российын чоҥымаш министерствыже икымше сентябрьлан 240 сеҥыше проектым ойырен налеш. Нуным регионлаште шыҥдараш тӱҥалыт. Марий Эл гыч тыгай проект- влак улыт: Волжскышто: «Ре-парк: у этнотӱвыра рӱдер», Звениговышто «Тазалык аллей», «Тошто Козьмодемьянскын уремже- влак». Конкурсышто нуно сеҥышыш лектыт гын, нине тӱшка вер- влакым 2025-ше 2026-шо ийлаште тӱзландараш тӱҥалыт. Ушештарена: Россий кӱкшытан конкурсышто 200 тӱжем марте еҥ илыман ола- влак, федерал да республике кӱкшытан историй илем- влак участвоватлат.
Фото: Чоҥымаш да ЖКХ министерстве.
Фото: Чоҥымаш да ЖКХ министерстве.
