Йошкар-Ола ола погынымашын депутатше- влакым сайлымаш 8-ше сентябрьыште лиеш
Йошкар-Ола ола погынымашын депутатше- влакым сайлымаш 8-ше сентябрьыште лиеш. Рӱдӧ олаште ола округын депутатше- влакын черетан 55-ше сессийышт лийын. Заседанийым Виктор Кузнецов эртарен. Заседанийыште 18 йодышым ончымо. Депутат- влак «Боевое братство» Россий мер организацийын марий пӧлкажын «Древо памяти» скульптура композицийым вераҥдаш темлымашыжым поддержатленыт. Тудым «Туруново» шӱгарласе «Герой- влакын аллейыштышт» вераҥдаш темлалтеш. Тыгак Марий АССР-ын калык артистше Андрей Андрияновлан мемориал оҥам вераҥдаш решенийым лукмо. Шымше созыв ола погынымашын полномочийже мучашыш лишеммылан кӧра парламентарий- влак сайлымашым 8-ше сентябрьын эртараш кутырен келшеныт.
Фото: Йошкар-Ола депутат- влакын погынымашышт
Фото: Йошкар-Ола депутат- влакын погынымашышт
