Республикысе тӱшкан кочмо верлаште йӱдым алкогольым ужалаш чараш шонат
Республикысе тӱшкан кочмо верлаште йӱдым алкогольым ужалаш чараш шонат. Ведомство- влак кокласе пашаче группын заседанийыштыже Республикым вуйлатыше Юрий Зайцевын вуйлатымыже почеш алкоголь продукцийым ужалыме шотышто республикысе законодательствыш вашталтышым пуртымо нерген йодышым каҥашыме. Ондакырак Кугыжаныш Дума регионласе кучем- влаклан шке кундемыштышт илыме пӧртлаште верланыше тӱшкан кочмо объектлаште алкоголь продукцийым ужалаш ешартыш чарымашым пурташ правам пуышо законым приниматлен ыле. Республикысе законын проектыштыже кызытсе чарымаш деке ешартыш семын, ресторан деч посна, тӱшкан кочмо объектлаште 23 гыч 11 шагат марте алкогольым ужалаш чараш темлалтеш. Глава палемден: верысе калыкым шуко пачеран пӧртлаште общепит тӧнеж- влакын пашашт тургыжландара- тиде тӱшка порядкым пудыртымаш, йӱк-йӱан да лийын кертше лӱдыкшӧ. Мыланна регион кӱкшытыштӧ улшо проблемым кораҥдыше законым приниматлаш кӱлеш. Мутат уке, амалкалче- влаклан эҥгекым ышташ шонымаш уке,- каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
