Марий Эл Кугыжаныш Погынын сборный командыже спортышто сай лектышым ончыктен
Марий Эл Кугыжаныш Погынын сборный командыже спортышто сай лектышым ончыктен. Республикысе Кугыжаныш кучем орган- влак коклаште Спартакиадым ямдылыше- влак чыла таҥасымашын лектышыжым иктешленыт да сеҥыше ден призёр- влакым увертареныт. Марий парламентарийын командыже тӱшка зачётышто икымше лийын. Нуно республикысе министерстве ден ведомство- влакын 16 командышт коклаште ойыртемалтыныт. Таҥасымаш- влак спортын куд видше дене кум арня шуйненыт. Парламентын сборныйжо мини-футбол да волейбол дене сеҥыше, ГТО нормативым сдатлымаште- кокымшо, иймаште, ӱстембал теннис дене модмаштат сай лектышым ончыктен, шахмат дене гына модын колтен. Кокымшо верым Республикысе Верховный судын командыже сеҥен налын, кумшо верыш спорт да туризм министерствын командыже лектын.
Фото: Марий Эл Кугыжаныш Погын.
Фото: Марий Эл Кугыжаныш Погын.
